تائیوان: جہاز کے حادثے میں ہلاکتوں کی تعددا 31 ہو گئی

150204060431__80771317_plane

اس حادثے میں اب تک 31 افراد کی ہلاکت کی تصدیق ہو چکی ہے جبکہ 12 افراد لاپتہ ہیں۔

مرنے والوں میں اکثریت چینی باشندوں کی ہے۔ جن کے بارے میں بتایا گیا ہے کہ وہ تمام سیاح تھے۔

اندرونِ ملک جانے والی اس پرواز میں 58 افراد سوار تھے اور امدادی اداروں کے مطابق حادثے میں زخمی ہونے والے 15 افراد کو نکال لیا گیا ہے اور وہ مقامی ہسپتالوں میں زیرِ علاج ہیں۔ بچ جانے والے افراد میں ایک چھوٹا بچہ بھی شامل ہے۔

یہ جہاز تائی پے کے ہوائی اڈے سونگشن سے کن من جزیرے کی جانب روانہ ہوا تھا اور ہوائی اڈے سے اڑتے ہی پُل سے ٹکر کر دریا میں گر گیا تھا۔